Inunnguup angalanissaq eqqorpaa
Inunnguaq Joelsen Nuummeersoq Air Greenlandip Unnuk Kulturisiorfimmut atatillugu unammisitsinerani eqqugassamik pingaarnermik eqquisuuvoq.
Allattoq Louise M. Kleemann
Nuummiit Københavnimut uterlugulu timmisartukkut inersimasunut marlunnut amerlanerpaamillu meeqqanut pingasunut angalaneq, Hotel Legolandimi marloriarluni unnuinertalik unammissutigineqarpoq.
Ukioq manna aamma Unnuk Kulturisiorfik timmisartuutileqatigiinnuut iluatsilluarpoq, alakkaasut marloriaatingajammik amerlimmata. Ukioq mannami 2.744-t hangarinut, allaffeqarfinnullu alakkaapput, sulisunit kajumissutsiminnik sulisunit 70-nit suliffeqarfimmut takornariartinneqartut Air Greenland paasissutissiivoq.