Inummit ataatsimit inunnilluunniit arlalinnit oqarasuaatit angallattakkat, 20.000 koruuninik nalillit, tillinneqarsimasut

Inuk ataaseq arlallilluunniit Nuummi angerlarsimaffimmut marlunngornerup unnuaani iserput, oqarasuaatillu angallattakkat pingasut, katillugit 20.000 koruuninik nalillit, tillillugit, sillimasut pisortaat Hans Peter Berthelsen oqarpoq. 

- Marlunngornerup unnuaani pisimavoq sisamanngornermilu nalunaaqutaq 12.45 nalunaarutigineqarluni, sillimasut pisortaat, oqarasuaatinik angallattakkanik tuniniaasoqarnissaanut maluginiaaqqusiutigaluni, oqarpoq. 

- Oqarasuaammik angallattakkamik pisiarineqarsimaneranik uppernarsaatitaqanngitsumik tuniniaasoqarnersoq maluginiarneqassaaq, Hans Peter Berthelsen oqarpoq. 

Sillimasut pisortaata inuk ataaseq arlallilluunniit tillissimanersut paasissutissiissutigisinnaanngilaa, kinalu imaluunniit kikkut tillissimanersut suli ilisimaneqanngilaq.