Inuktitut oqaatsit tammatsaaliorniarpaat

Nunavumi inuktitut oqaatsit tammatsaaliorniarneqarput.

Nunavumi illoqarfiit pingaarnersaanni Iqalunni aqquserngit aqqi tuluttut inuktitullu allaqqapput, aamma pisortat susassaqarfiini tamani; aningaaserivinni, allakkerivinni pisiniarfinnilu atuagassat ilisarnaatillu tuluttut inuktitullu allassimapput.

Nunavumi naggueqatitta 30.000-it 70 procentii Inuktitut oqaaseqartuupput, oqaatsit tulleralugit tuluttut. Iqalunni inuusuttut tuluttut oqalukkumanerusut amerliartuinnarput, tamannalu pissutigalugu Inuktitut tammariartuinnarnissaat ernummatigineqarmat suliniartoqalerpoq.

Nunavumi naalakkersuisut siulittaasuat Paul Okalik pisortat allaffeqarfiini sulisunut ukioq manna peqqusivoq ima nipilimmik: Inuktitut oqaatsinik ilikkarusunngitsup suliffini annaassavaa.

Nunavut naalakkersuisui oqaatsinik atuinermut inatsisissanik marlunnik siunnersuuteqarput, Inuktitut oqaatsit, pisortat susassaqarfiini 2020-imiit pingaarnertut atugaalernissaannik imaqartunik.

Nunavumi oqaatsinik pikkorissarfik aamma suliniaqataavoq. Qallunaat Nunavumi atorfinittut oqaatsinik pikkorissarneqartarput, aamma Microsoftip qarasaasiami programmiini oqaatsinik tuluttuunik Inuktituumut nutseraluni pikkorissarfik aallartereersoq, nutaarsiaasaqartitsivik Macleans allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat