Inuktitut oqaatsit pillugit suliniuteqartoqarniartoq
Inuit Tapiriit Kanatami Kattuffianni siulittaasoq, Mary Simon, oqaatsinut kulturimullu sullissiveqalernissaanik ujartuivoq, Inuit oqaasiisa Inuktitut ataavarnissaat eqqarsaatigalugu.
Mary Simonip Savalimmiut assersuutigai, savalimmiormiummi oqaasiisa ataavartinneqarnissaat pillugu Savalimmiuni Oqaatsinut Ataatsimiititaliaqarmat, aamma siunnersuisartunik.
Aviisimi Nunatsiaq Newsimi Mary Simon siunnersuivoq, Savalimmiunisulli Canadami pilersitsisoqarsinnaasoq, Inuktitut Centerimik taallugu, taamaalisoqarpammi canadamiut oqaasii assigiinngitsut tammassanngikkaluarmata.
- Oqaasitoqqat pigiinnarnagit taaguusersuutinik nutaanik aamma pissarsisoqartassagaluarpoq, Inuit silarsuaanni pisunik malinnaassagaanni, Mary Simon oqarpoq.
Oqaatsinut kulturimullu sullissivimmik isumassarsiani Mary Simonip Canada tamakkerlugu angalalluni oqalugiaatiginiarpaa, tamannalu uuma qaammatip ingerlanerani pissaaq.
