Inuktitut oqaatsit pillugit inatsit nutaaq isumakuluutigineqarpoq

Inatsisip Inuit Language Protection Actip suliffeqarfinnik minnernik eqquinerlussinnaanissaa, taassuma ernummatigaa, atuisartullu aamma eqqorneqarsinnaanissaat ernummatigalugu:

- Suliffeqarfiit akissaatikinnerusut eqqorneqassapput, Hal Timar, Nunavummi oqaatsit pillugit ataatsimeersuarnerup nalaani oqarpoq.

Nunatsiaq Newsip nittartagaani tamanna atuarneqarsinnaavoq.

Suliffeqarfiit nutserisussaaleqipput, sulisullu marluinnik oqaasillit nutserinissamut atortariaqartarpaat, naak nutserisutut ilinniarnikuunngikkaluartut, Hal Timar oqarpoq.

Kiffartuussinermi suliallit Inuktitut sullissinissaat inatsisitigut piumasaqaatigineqarpoq, sulisulli pikkorissut suliffeqarfinnut allanut nuukkajuttarput, pisortat suliffeqarfiinut nuukkajunnerullutik.

- Taamaalisoqaraangat kiffartuussinermik suliallit sulisuminnik pikkorissaanissamut aningaasartuuteqarnerulertarput, atuisullu taamaasillutik eqqorneqarsinnaasarput, tunisassiat akisunerulertaramik, Hal Timar oqarpoq.