Inukinneq unammilleruminnaatsitsivoq
Takornariaqarnermik sullissinermi suleqatigiinnerunissaq aqqutissaavoq.
Arctic Travel Group-ip ataaniittumi, Albatros Travel-imi pisortaq Søren Rasmussen taama isumaqarpoq.
Arctic Umiaq Line pisiareqqaariarlugu, silaannakkut angallassinermi kisermaassisoq Air Greenland unammillileraluarpaat, iluatsinngitsumilli.
Air Greenland-imut unammillerneq, sapaatip akunneri pingasut qaangiuppata kipitinneqarluni, Air Greenland-imut allaanerusumik isumaqatigiissuteqassapput. Søren Rasmussen oqarpoq, imminut annaatissagunik allatut ajornartumik taamatut iliortariaqarlutik:
- Kalaallit Nunaat isorartoorujussuummat qanoq ililluni pitsaanerusumik ingerlatsisinnaaneq eqqarsaatigilluagaasariaqarpoq. Aamma innuttaasut amerlassusaat apeqqutaaqaaq.
Taamaattumik kikkulluunniit angallannermik takornariaqarnermillu suliaqartut suleqatigiilluinnartariaqartarput, Kalaallit Nunaannilu inuit ikimmata, angallanneq eqqarsaatigalugu unammillersinnaaneq killeqarpoq Søren Rasmussen ullaaq iterluarnaamut taama oqarpoq.
