INUK USA-mi Canadamilu takutinneqassaaq
Nukappiaraq kalaaleq sermersuarmilu misigisai pillugit filmiliaq Europami nuannarineqartupilussuuvoq maannalu aamma USA-mi Canadamilu takutinneqartussanngorluni. San Franciscomi septembarip 27-iani takuteqqaarneqassaaq kingornalu USA-p Canadallu sinnerani takutinneqassalluni.
Allattoq Peter Troelsen, Simon Uldum
septembarip 12-at 2013 08:39
Kalaallit isiginnaartitsisartut arlaqartut INUK-millu suliarinnittut Los Angelesimi, San Franciscomi, New Yorkimi Alaskamilu filmip takuteqqaarneranut peqataassapput. Inuup USA-mi takutinneqarnissaa Californiami viinneqarfimmi aaqqissuussinermik angisuumik aallartinneqassaaq, kingornalu nunap sinnerani takutinneqatassalluni.
Filmimut pilersaarummik amerikamiunut saaffiginnittumik suliaqartoqarsimavoq, taannalu uani takusinnaavat: http://www.youtube.com/watch?v=IP3x8XRczmc
Filmi pillugu Facebookimi allanik atuagassaqarpoq: https://www.facebook.com/pages/Inuk/194415977260454
