Inuk toqungasoq Nuummi siumorpaat
Nuummi politiit inuk toqungasoq siumorpaat angerlarsimaffimmi eqqissiviilliornermut unnuaq nalunaaqutaq 23.30-ip missaanni ornigukkamik.
Paasissutissat ikittuinnaat politiit KNR-mut marlunngornerup ullaavani tunniuppaat.
- Inummik toqungasumik siumungaqarpugut sulili paasiniaanerput maanna ingerlavoq, vicepolitikommissær Janus Eigaard KNR-mut oqarpoq.
Politiit oqaatigisinnaanngikkallarpaat toqusoq qassinik ukioqarnersoq aammalu oqaatigisinnaanagu inuit qassit tigusarineqarsimanersut.
Suliaq toqutsisoqarsimaneratut maanna paasiniaaffigineqarpoq.
Politiit ullup ingerlanerani paasissutissanik amerlanerusunik saqqummiussaqassamaarput.