Inuk toqungasoq Ilulissani nassaaraat
Angutip toqungasup timaa ullaaq manna Ilulissani nassaarineqarpoq.
Allattoq Noah Mølgaard
Angutip toqungasup timaanik Ilulissat umiarsualiviani ullaaq manna nassaarneq pillugu paasissutissat politiit tunniussinnaasaat suli killeqarput.
- Taamaallat uppernarsarsinnaavarput angutip toqungasup timaa nassaarineqartoq nassaarineqartullu kinaanera paasineqareersoq. Nakorsaq peqatigalugu timi nassaarineqartoq ullaap tungaa misissorneqassaaq. Kisianni maannagaaq oqaatigisinnaavarput pinerluttoqarsimasinnaanissaa ilimanaateqanngitsoq, Qaasuitsumi politiit pisortaat Poul Petersen KNR-mut oqarpoq.