"Inuk"-p nuannarineqarnera suli tusarsaajuarpoq

Allattoq tassaavoq Stewart Nusbaumer, taanna Woodstock Film Festivaleqarnerata nalaani internettikkut allaaserisaqartarnermi nalaani filmimut "asannilersoortoq".

- "Inuk" tassaavoq, assit kusanartut iluaqutigalugit oqaluttualiaq mamaraluartitsiinnartoq. Kulturitoqaq nutaamik saassunneqartoq nuannersunngorlugu filmimi oqaluttuarineqartoq, Stewart Nusbaumer allappoq.

Allakkamini aamma oqaluttuaraa, "Inuk" filmiusoq immikkuullarissoq, nammineq ilisimanngisaminik aammalu inuunerminik takorloorsimanngisaminik takutitsisoq, tassalu inuiaqatigiinni peroriartorneq qanoq ittuusoq takutinneqarmat.

Aamma filmimi inuttaasut pikkorinnerarpai, naak akissarsiutigalugu filmiliaritittartuunngikkaluartut:

- Isiginnaartitsisartuiunngikkaluarlutik pikkoreqaat, Stewart Nusbaumer allappoq, pingaarnertut tikkuarlugit Ole Jørgen Hammeken, Gaaba Petersen aamma Rebekka Jørgensen.

Woodstock Film Festivaleqarnerani "Inuk" akissarsitinneqarpoq.