Tunillatsissimasoqarnersoq pillugu Nuummi misissuinerit ataasinngornermi juunip ulluisa 21-anni nanginneqarumaartut, nunatta nakorsaanerata erseqqissaatigaa, nalunaaqutaq 10:45-mit ulloqeqqata tungaanut misissuisoqassalluni.Assi: KNR

Inuk ataaseq coronavirusimik tunillatsissimasoq paasineqartoq: Ernumanissamut pissutissaqanngilaq nunatta nakorsaanera oqarpoq

Tunillatsissimasoq Nuummiittoq angerlarsimaannereertuusoq, nunatta nakorsaanera Henrik L. Hansen paasissutisssiivoq.

Coronavirusimik Nuummi tunillatsissimasoq arfininngornermi siumorneqarpoq. Ernumatitsinngitsorli nunatta nakorsaanera, Henrik L. Hansen oqarpoq.

- Tunillatsissimasumik suli ataatsimik ullumi arfininngornermi siumugaqarpugut. Kisianni tunillatsissimasutut ilisimasatsinnut qanittuararsuusuuvoq. Taamaammat tupaallannanngilaq, nakkutigilluarfigisatsinniimmallu ernumanissamut pissuteqartitsinani. Pineqartoq angerlarsimaannareerpoq, Henrik L. Hansen oqarpoq.

Tunillatsissimasoqarnersoq pillugu Nuummi misissuinerit ataasinngornermi juunip ulluisa 21-anni nanginneqarumaartut, nunatta nakorsaanerata erseqqissaatigaa, nalunaaqutaq 10:45-mit ulloqeqqata tungaanut misissuisoqassalluni.

- Arlaatigut tunillatsissimasorisinnaasut tamarmik misissortikkiartornissaannik kaammattorpagut. Taamaalinikkut Nuummi tuniluuttoqanngitsoq pitsaanermik qulakkeersinnaassavarput, Henrik L. Hansen oqarpoq.

Coronavirusi pissutigalugu napparsimmavimmi uninngasut marluk peqqissiartortut, peruluttullu inaanniikkunnaarsimasut Henrik L. Hansenip aamma paasissutissiissutigaa.

Taavalu Kapisilinni ullumi akiuussusersuisoqarpoq. Tassalu nunatsinni najugaqarfiit tamarmik akiuussusersuiffiupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat