Inuit tusindtilippassuit Tivolimukaapput
Aggertulli tamarmik kalaallit ulloqartinneqarnerat pissutigalugu ornigutinngillat, inuilli taama amerlatigisut takkunnerat Tivolimit nuannaarutigineqarpoq.
- Kalaallit Nunaata Tivolimi ulloqartinneqartarnera pingaaruteqartorujussuuvoq. Inuppassuit peqataajartortarput, attaveqaqatigiinnermut Tivolimi immikkoortortaqarfimmi pisortap tullia, Stine Lolk, oqarpoq.
Ukioq-manna aaqqissuussinerup annertussusaa imatorsuaq tupaallaatissaanngilaq. Siorna taama aaqqissuussigatta inuit 80.000-it sinnilaarlugit takkupput, kisianni siorna tallimanngornikkut rockimik tusarnaartitsisoqarpoq, aaqqissuussinerillu taamaattut inuppassuarnit ornigarneqartarput, Tivolimit ilisimatitsipput. Aningaasaliisussaaleqisoqarnera pissutigalugu aaqqissuussinerit ukioq-manna annikillisinneqangaatsiartariaqarsimapput.
Aningaasanik amigartooruteqalaarnissartik aaqqissuisut naatsorsuutigaat, naatsorsuinerli suli naammassinngilaq.