Assi: Douglas Sprott/Flickr Creative Commons

Inuit timmisartuutileqatigiffittaarnissat oqartussanit akuersissutigineqartoq

Canadami naggueqatigiit inuit Canadian Northimik taaguusikkamik namminerisamik angisuumik timmisartuutileqatigiiffittaarput.

Juunip 25-ani 2019 naqqitaq: Piginneqatigiiffiiit kattuttut aappaat  Inuit Air-imik ateqartut allaaserisamik siusinnerusukkut allasimagaluarpoq. Piginneqatigiiffilli First Air-iimik ateqarpoq. Kukkuneq ajuusaarutigaarput.

Nunavimmit Makivik Corporationip aamma Issittup kippasissortaanit Inuvialuit Corporationip naggueqatigiit Inuit nammineq pigisamik timmisartuutileqatigiiffiliornissaannut akuersissutissaq utaqqineqartuarsimasoq maanna pissarsiaraat.

Aqqut tamanna naggueqatigiinnut inunnut issittumilu innuttaasunut allanut timmisartuutileqatigiiffittaarnissamut piviusorsiortumik qajannaatsumillu ukiorpassuarni pilersaarusiornermi suleqatigiissimasunut ajugaaneruvoq.

Timmisartuutileqatigiiffiit marluk pioreersut maanna ataatsimuulertussaapput. First Air naggueqatigiinnit inunnit Makivik aqqutigalugu pigineqareerpoq taassumalu Nunavik, Nunavut Northwest Territoriesillu ilaa timmisartuussivigisarpaa.

AAMMA ATUARUK Canadami timmisartuutileqatigiiffiit marluk kattunneqartut

Timmisartuutileqatigiiffiup aappaa Canadian North Inuvialuit Corporationimit pigineqarpoq. Taassumalu Northwest Territoriesip, Nunavut Canadallu illoqarfiisa pingaarnersaat Ottawa timmisartuussivigisarlugit.

Timmisartuutileqatigiiffittaaq Canadian Northimik taaguuteqassaaq naggueqatigiillu Inuit Canadami sumiiffigisaasa annerpaartaat timmisartuussivigisassallugu. Tamanna naggueqatigiinnut inunnut kiffartuussinermik kisimi pitsanngorsaataanani issittumi aningaasaqarnikkut ineriartornermut aamma pingaaruteqangaatsiassaaq, Inuvialuit Corporationimi pisortaq, Duane Smith oqarpoq.

Makivimmi præsidentip, Charlie Wattip tamanna naggueqatigiinnut inunnut neriorsuutaanerarpaa, tassalu timmisartuutileqatigiiffimmik naggueqatigiinnit inunnit pigineqartumik Inuit Nunanganilu sumiiffinni tamani kiffartuussinermik pitsaanerulersitsisumik pilersitsisoqarnissaa.

- Tamanna naggueqatigiinnut inunnut suleqatigiinnitsinnillu alliilikkamut nutaarsiassatsialarujussuuvoq, Charlie Watt oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat