Inuit timersuutaat Vancouverimi aamma takutinneqarput
Naggueqatigiit Inuit inuusuttaat, Nordvest Territoriameersut, issittumi timersuutinik takutitsiartorlutik sapaatip akunnerata kingulliup ingerlanerani Vancouverimiipput.
Allattoq Jaaku Lyberth
Qamutit qimminik tallimanik qimuttoqartut Inuvimmeersut, Vancouverimi aqqusinermi aqqutigineqarnerpaakkut ingerlatinneqarput, inuppassuarnit alutorineqaqalutik, tupaallaatigineqarlutillu.
Naggueqatigiit Inuit eqqumiitsuliaat saqqummersinneqarput, nipilersortunik tusarnaartitsisoqarluni, naggueqatigut Inuit nipilersorlutillu erinarsorput, taamaalillutik naggueqativut Inuit ukiuunerani OL-eqarnerani malunnaateqarluarlutik.