Inuit innarluutillit illersuisuata Ilisimatusarfik suleqatigalugu misiissuipput. Assi: Tilioq

Inuit tarnimikkut innarluutillit pigiliutiinnakkanik isumaqarfigineqartarput

Inunnut innarluutilinnut atugassarititat pitsaanerusariaqartut, inuit innarluutillit illersuisuat misissuinermini nutaami taama oqariartuuteqarpoq.

Issiavimmi kaassuartakkami issiaguit, tusartaateqarlutilluunniit amerlasuut sanilerissallutit suleqatigissallutilluunniit ajornavianngilaat. Tarnikkulli, soorlu autismemik ADHD-milluunniit nappaateqaruit aava innuttaasut isumaat allaapput.

Inuit innarluutillit illersuisuata Ilisimatusarfik suleqatigalugu misiissuigamik inerniliipput.

AAMMA ATUARUK Tusilartut nutserisussaqanngillat

Misissuinermi inuit inunnut innarluutilinnut isumaannik pigiliutiinnakkamillu isumaannik paasiniarneqarput.

Misissuineq taanna misissuinerit taamaattut siullersaaraat. Tassanilu innuttaasut inunnut tarnikkut innarluutilinnut atassuteqarnissamut akunattuunganerusartut atuarneqarneqarsinnaavoq.

Nunatsinni innuttaasut quliugaangata qulingiluat inunnut ersittumik innarluutilinnut ajunngitsumik isiginneriaaseqarlutik attaveqarsinnaasarput. Tarnimikkullu napparsimagaangata inuit quliugaangata arfineq marluk ajunngitsumik eqqarsaateqarlutik attaveqarsinnaasarlutik.

Inuit pingasuugaangamik ataatsip tarnikkut innarluutilimmik aqutsisoqarsinnaanissaq inatsisartunulluunniit ilaasortaqarsinnaanissaq ajunngitsumik eqqarsaasersorfigisarpaat. Innuttaasut amerlanersaat tassalu 81 procentii timikkut innarluutilimmik Inatsisartunut ilaasortaqarnissaq akuersaarput.

Aamma qanoq attaveqarnissamut apeqqummi assigiinngissummik ersertoqarpoq.

Innuttaasut amerlanersaat qanigisamik inummut innarluutilimmut katissappat ajoringilaat, affaannilli ikinnerungaartut inummik innarluutilimmik aappaqarnissaq takorloorsinnaavaat.

Suliffeqarfiit maluginiarneqartut

Misissuisut innarluutillit suliffeqarfinni qanoq periarfissaqarnersut qanorlu eqqarsarfigineqartarnersut aamma misissorpaat.

Ilinniakatigut assigiinngissutit

Inuit innarluutillit innarluuteqanngitsunut sanilliullugit ilinniagassutsikkut malunnartumik assigiinngissuseqarput:

Innarluutillit 37 procentii ilinniagaqarput, innarluuteqanngitsulli 49 procentii ilinniagaqarlutik.

Tusarfik: Innarluuteqarnermut isummat 2020

Suliffeqarfiit inunnik innarluutilinnik atorfinitsitsinissaq eqqarsaatigalugu peqataatitsisuunermik ersarinnerusuliorsinnaasut tassani inerniliunneqarpoq.

AAMMA ATUARUK Tiliumut saaffiginnittartut amerleriangaatsiartut

Inuit Innarluutillit illersuisuata allannera naapertorlugu sulisoqarneq eqaannerulersinniassaganni aporfeqarput piiarniagassanik.

Inuit innarluutillit oqaaseqartartuat arlalinnik inassuteqarpoq. Ilaatigut assigiinngisitsinissamik inerteqquteqalernissaaa taavalu innuttaasut inunnut innarluutilinnut ilisimaarinninnerulernissaat inassutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat