Inuit takornariartitseqatigiiffiat russit salloqittaaraat

Russit takornariartaataat umiarsuaq maanna canadami pisortanit arsaarinnissutigineqarnialerpoq.

Umiarsuaq arsaarinnissutigineqarniarpoq umiarsuaatileqatigiiffik akiligassanik akiliisinnaanngimmat, tamannalu pissutigalugu umiarsuup takornariartaatip inuttai qaammatip aappaata affaani maanna Aasuitsup Qeqertaanit aallarnaveeqqallutik, Ritzau allappoq.

Canadami russit aallartitaqarfianit oqaatigineqarpoq, umiarsuaq takornariartaat maanna tuniniarneqaraluartoq.

Canadami pisortat umiarsuaq takornariartaat akitsorterussinikkut tuniniannginneranni, umiarsuup "Lijubov Orlova"-p naalagaata sukataarutigaa umiarsuup tunineqapallannissaa. Tassami tuniguniuk attartortunut akiligassaq 250.000 dollarsit tunniussinnaagaluaramigit.

Paggivittap avannaani umiarsuup angallassinissaanut takornariartitseqatigiiffiup, Cruiser North Expeditions-ip russit umiarsuarmik piginnittut siumoortumik akilersimagaat, takornariartitseqatigiiffiup inatsisilerituuata oqaatigaa. Taamaakkaluartoq umiarsuarmik angallassisoqarsimanngilaq.

Aasuitsup Qeqertaani illoqarfimmi Saint John's-imi, umiarsuup inuttai 51-it septembarip 25-anili aallarnaveeqqapput. Inuttat 34-it sapaatiummat Ruslandimut angerlartinneqarput.

Umiarsuaq umiarsualivimmit aallaqqusanngilaq akiligassaq akilereerneqartinnagu.

Umiarsuup inuttaai qaammatini sisamani akissarsitinneqarsimannginnertik pissutigalugu umiarsuaatileqatigiiffik eqqartuussisunut tunniuppaat.