Inuit siuuttuisa ilaat toqukkut qimaguppoq
Inuit Nunaanni tamani ilisarisimaneqarlunilu siuttutut ataqqisaasoq, kalaallit aalajaatsumik ikinngutaat Jose Kusugaq, Kangirlinirmi (Rankin Inlet) kræftimik napparsimalluni toqunera tamatsinnut aliatsannarpoq.
Jose Kusugaq inuiaat Issittormiut Københavnimi 1973-imi ataatsimeersuaqqaarneranni kalaallinit ikinngutitut ilisarisimaneqalerpoq.
Kingorna Josep akisussaaffigaa Inuit Canadami taanikkuutaartunik naqinnikkuutaartunillu allattaasiisa nutarsarnerat assigiissarnerallu siuttuuffigigamiuk.
Jose Kusugaq ICC-p 1977-imi pilersitaanerani peqataavoq, kingornalu kulturimut, ilinniartitaanermut oqaatsinillu ataatsimititami ilaasortaalluni Edna MacLean Carl Chr. Olsenilu suleqatigalugit.
Kingorna Jose Kusugaq Inuit Tapiriit Kanatamimi siulittaasuuvoq.
Toqussi tikillugu Inuit aalajangiisinnaalernerat oqaasiisalu ineriartornissaat qanittumik suleqataaffigiuarpai.
Nunatsinni erinniortut ilisimaneqarnerit ilaata Malik Høeghp Sume-kkut inmmiussaasa ilisimaneqarnerit ilaat 'Inuit Nunaat' taalliaraa 1970-ikkut aallartilaarneranni Jose Kusugaq oqalugiartoq tusarnaareerlugu.
