Inuit siuttui 2018-ip tungaanut pingasoriarlutik ataatsimiisinneqassapput

Naggueqatigiit Inuit siuttui Issittumut tunngasunut 2018-ip tungaanut pingasoriarlutik ataatsimiisinneqassapput. Inuit Issittormiut Siunnersuisoqatigiiffiata ICC-p siulersuisuunerisa Canadami ataatsimiinnerat naammassineqaqqammersorlu ICC taama nalunaaruteqarpoq.

Naggueqatigiit Inuit siuttuisa ukiuni tulliuttuni ataatsimiittarnissaat assigiinngitsunik qulequtaqartinneqartassapput, assersuutigalulu maggueqatigiit Inuit ilinniartitaanerat Nuummi aappaagu ataatsimeersuartitsinermi qulequtaritinneqassalluni.

Issittumi pisuussutit uumassusillit pillugit ataatsimeersuartoqassaaq, Canadamilu ukioq manna novembarimi pisussatut pilersaarutigineqarluni. Issittumilu aningaasarsiornikkut ineriartorneq pillugu Alaskami aappaagu 2017-imi pisussatut pilersaarutigineqarluni.

Aamma atuaruk ICC: 2015 nuannersumik naaneqarpoq

Ataatsimeersuarnissat taakku ICC-p tulliani 2018-imi ataatsimeersuarnissaa sioqqullugu pisussatut tassa naatsorsuutigineqarput.

ICC-p Canadami præsidentiata Duane Smithip ukiuni 17-ini sulereerluni tunuarniuteqartoq, ICC-p Ottawami ataatsimiinnerani ilaatigut aamma nalunaarutigineqarpoq.

ICC-mi siulersuisuunerit tulliani ataatsimiilerunik tamanna Qaqortumi ukioq manna aggustimi pissaaq. Inuit Nunaanni uranimik atuinermut pilersaarutaasut ingerlanneqalereersullu ataatsimiinnermi qitiutinneqarnissaat nalunaarutigineqarpoq.

Aamma atuaruk Tapiissutit ikilinissaat ICC-p iluarisimaarpaa

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat