Angalanerat imaannaanngitsumik kinguneqarpoq, ullorpassuit imertorsimanngillat kingunerlutitsisimalutillu, qeqertarpassuit Salomonøernemi illoqarfiit pingaarnersaanni, Honiarami, napparsimmavimmi peqqissaasoq aviisimut The Guardianimut taama oqarpoq. ArkivfotoAssi: renata rodrigues/Flickr

Inuit sisamat qaammat sinnerlugu Manerassuarmeereerlutik annattut

Inuit aqqaneq-marluk qajariartut Manerassuarmi ulluni 32-ni saavigussaasimapput. Taakkunannga arfineq-pingasut ajunaarput, ataaseq naalungiarsuulluni.

Inuit sisamat Manerassuarmi qajarissamik ulluni 32-ni saavigussaareerlutik qeqertarpassuarni Salomonøernemi nassaarineqarput.

Annattut kokosinik immami puttasuni nerisaqarlutik sialummillu imerlutik annapput.

Inuit aqqaneq marluk siorna juullisioriarniarlutik Papua Ny Guianeamit qeqertanut 100 kilometerisut avannarpasinnerusumiittunut aallarput.

Qajariaq kinngummat arlaqartut ajunaarput.

Annattut kingunerlutsitsisut

Annattut qajariaq pusingasoq makitippaat immasimammallu qalullugu. Ingerlaarfigisaminiilli allamut sangummat  kujammut ingerlaalersimalluni.

Kokosinilli nerisaqartarnerisa sialummiillu imigaqatarnerat naammassimanngilaq. Sivitsormat ilai qilallutik toqupput.

Annattut sisamat ullut 32-it imaannarsuarmeereerlutik nassaarineqarput.

Angerlarsimaffiannit kujammut kangimut 2000 kilometerisut ungasitsigisumiittut aalisariummi ungasissumut aalisariartumi inuttanit januaarip ulluisa 23-anni nassaarineqarput.

Angalanerat imaannaanngitsumik kinguneqarpoq, ullorpassuit imertorsimanngillat kingunerlutitsisimalutillu, qeqertarpassuit Salomonøernemi illoqarfiit pingaarnersaanni, Honiarami, napparsimmavimmi peqqissaasoq aviisimut The Guardianimut taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat