Toqutaasut qulit 17-it 27-llu akornanni ukioqarput.Assi: Juan Barreto/AFP/Ritzau Scanpix

Inuit qulit Colombiami politiinut akerliusoqarnerani toqutaasut hunnorujulikkaallu aqqunartitertut

Colombiap illoqarfiisa pingaarnersaanni eqqissiviilliortoqarmat inuit qulit toqutaapput, hunnorujulikkaallu aqqunartiterlutik.

Colombiap illoqarfiisa pingaarnersaanni Bogotámi eqqissiviilliortoqarmat inuit qulit toqutaapput, hunnorujulikkaallu aqqunartiterlutik.

Colombiami oqartussat sisamanngornermi taama nalunaaruteqartut, nutaarsiassaqartitsivik Reuters allappoq.

Politiit peqqarniitsuliortarnerat akerliuffiginiarlugu inuit Bogotámi katersuussimapput, taamaalineranilu akerliussutsimik takutitsisut politiillu akornanni aporaattoqalerluni. Politiit angummik sapaatit akunneranni uani tigusarinninnerminni illuinnarsuut qupinnguallatsitsisartoq qasseerpassuariarlutik atorpaat, angullu tamanna toqqutigaa.

46-nik ukiulik inatsisilerituunngorniaq qitornalik, Javier Ordoñez, politiinit peqqarniitsumik tigusarineqartoq ikinnerpaamik tallimariarluni qupinnguallatsinneqartoq, immiussap takutippaa.

Ordoñezip politiit peqqarniisaannginnissaannik arlaleriarluni qinnuigigai.

Ordoñez kingorna napparsimmaviliaanneqarpoq, tassanilu toqulluni.

Inuit 400-ngajaat aporaattoqarnerani aqqunartitertut

Politiit tigusarinnittut tigusarinninnermik misissuisoqarnerani suliunnaarallartinneqartut, Colombiami naalakkersuisut ilisimatitsipput. Nutaarsiassaqartitsivik Reuters taama allappoq.

Tigusarinninnermi immiussaq inoqatinut attaveqaatini assigiinngitsuni siammarterneqarpoq, akerliussutsimillu kingorna takutitsisoqalerluni.

Inuit 326-nit ikinnerunngitsut, taakkunannga politiit 114-it, aporaattoqarnerani aqqunartitertut, Bogotáp borgmesteriata Claudia Lopezip Twitterikkut ilisimatitsissutigisimagaa, nutaarsiassaqartitsivik AFP allappoq.

Taakkunanng 60-init ikinnerunngitsut aallaaneqarlutik aqqunartitertut, borgmesteri oqarpoq. 

Toqutaasut qulit 17-it 27-llu akornanni ukioqarput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat