Inuit pinnguaataat OL-imut

marsip 13-at 2006 08:16

Kalaallit Nunaata Timersoqatigiiffiisa Kattuffiata inuit pinnguaataat takutitsinertut timersuutaanissaat angunialerpaa, naalakkersuisut Danmarkimilu timersoqatigiiffiit kattuffiata Københavnimi 2020-mi OL-ertoqarnissaa aasaru aalajangiutissappassuk.

Taama oqarpoq Kalaallit Nunaata Timersoqatigiiffiata Kattuffianni siulittaasoq Nuka Kleemann, Alaskami Issittumi Nunallit Unammiuaarneranni peqataaqqammersoq Inuillu pinnguaataannik malinnaanerusimasoq.

-Nunarput Danmarkilu taamanikkussamut suli naalagaaffeqatigiissagunik, nuannissagaluarpoq naalagaaffeqatigiinnerup iluani timersuutit tamaasa nunarsuaq tamakkerlugu takutissinnaasuugutsigit. Qinnutigineqarsinnaavoq Inuit pinnguaataat OL-eqarnerani takutitsissutigineqarnissaat, Nuka Kleeman Politiken-imut oqarpoq.

Kalaallit 200-t tungaanut amerlassusillit Inuit pinnguaataannik timersortarput, Nuka Kleemann-ilu Taekwondomi qernertumik qitequteqartoq 1990-kkut aallartinnerani aallartitseqataasunut peqataavoq.