Inuit pingaarutillit arlaqartut ilaassapput

Kunngissaq Frederik, Danmarkimi kultureqarnermut ministeri, Per Stig Møller aamma nunanut allanut ministeriusimasoq Mogens Lykketoft, Islandimi præsidenti, Ólafur Ragnar Grimsson, Savalimmiuni lagmandip tullia, Jørgen Nicklasen, ilisinermi najuuttunut ilaassapput.
novembarip 05-at 2010 04:52

Nal. 9.03 nutartigaq

Hans Egedep Oqaluffiani inissat 200-t Jonathan Motzfeldtip ilaqutaanut ikinngutaanut avataaniillu qaaqqussanut inniminnerneqarput. Nunavummiit Nunanilu Avannarlerniit aallartitat aamma peqataassapput. Hans Egedep Oqaluffiani inissat katillugit 450-iupput.

Biskoppi Sofie Petersen oqaluussisuussaaq, ilisineq naammassippat, kulturikkut illorsuarmi Katuami nalunaaqutaq pingasuniit arferngup qeqqata tungaanut pisortatigoortumik kaffillertoqassalluni.

Københavnimi oqaluffimmi Helligåndskirkemi eqqaaniaalluni naalagiartoqassaaq , kalaallit Danmarkimi palasiat Jens Kristian Kleist oqaluussisuussaaq, ataqqinartorsuaq Dronning Margrethe naaligiarnermi peqataasaaq, nunanut allanut ministeriusimasoq, Uffe Ellemann-Jensen, oqaluffimmi oqaaseqassalluni.

KNR-TV-kkut isiginnaartartut, Radiokkullu tusarnaartartut, ilisineq nalunaaqutaq ataatsimut tanneq quliniit marlup tungaanut malinnaavigisinnaavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq