Inuit piitsuunerulerput
Akit qaffariartupiloornerinut eqqugaanerpaapput akissaatigikinnerit eqqorneqartullu ilagaat qaratsamigut aanaartoornini pissutigalugu siusinaarluni sulisinnaajunnaarnersiutinik pisartagalik Kristian Petersen, Narsami najugalik. Kristiaat qammammut 6.246 koruuninik pisartagaqarpoq kisiannili ineqarnermi saniatigut kissarnermut imermullu aamma akiliisariaqartarpoq.
- Tassa imaappoq 4.000–it angullugit sinneruttarpullu 2.000-it ataallugit. Allatut ajornaqaaq kisianni sipaarniarlunga, ullormut marloriaannarlunga nerisarpunga, ernera pingaarnerutikkakku. Akit malinnasinnaajunnaarnikuummata ilungersunartorujussuussaaq, taama oqarpoq Kristian Petersen.
Aamma erseqqissarpaa Danmarkimi nerisassat akiisa qaffappalunneri tusarlugu suli uagutsinnut ilungersunarnerulertussaanera, pinngitsoornatik aamma uagutsinnut sunniuttussammata.
Naak Kristiaat Narsap Kommunianit aningaasartuumi ilaanik tapiiffigineqartaraluarluni taamaattoq iluaqutaagaluarlutik qaammammut 3.000 koruunit sinnillit tigualerlugit taamaattoq ingerlaassaanaq nunguttartut oqaatigai.
Kristian Jerimiassenip, Atassut sinnerlugu Inatsisartuni ilaasortap Siverth K. Heilmann, kallerup inneranut imernullu tunngasunik januaarip aallaqqaataata tungaanut akisussaaffeqarallartoq allaffigaa, ulloq taanna tikitsinnagu nunatsinni innuttaasut ilisimatittariaqarai siunissami akitsoriarfiusut qanoq aaqqiiffigineqassanersut.
