Inuit peqqissusiannik ilisimatusarnermi doktorinngortoqarpoq
Doktorinngornermini soraarummeerutitut illersorpaa ”Inuit peqqissusiat meeqqat atugaannit nalilerlugu - Nunatsinni meeqqat peqqissusiannut qanorlu innerannut najoqqutassiissutaasinnaasut”.
Birgit Niclasen soraarummeerutitut illersukkamini Nunatsinni meeqqat peqqissusiannik annertuumik misissueqqissaarereerluni pineqartut peqqissusiannut qanorlu atugaqarnerannut najoqqutassiissutaasinnaasunik arlalinnik suliaqarpoq. Najoqqutassiissutaasinnaasut meeqqat peqqissusiannik pitsaanerulersitsinissamut sunniuteqarnerusumillu iliuuseqarsinnaanissamut isumannaareqataasinnaasut sorarummeernermini illersorpai.
Nunatsinni inuiaqatigiit ineriartornerisa takutippaat nappaatigineqartartut nunarsuarmi nunat naalagaaffiillu killiit allat assigalugit allanngoriartortut, inuusaatsikkut atuuttualersussatullu anniaataasartut amerliartorlutik,
tamannalu piffissami sivikitsumi pileriartorpoq Birgit Niclasenip doktoritut soraarumerutaa pillugu tusagassiuutinut nalunaarummi tamatut allassimavoq. Meeqqat ilaat maannakkut inuunermilu sinnerani peqqiilliuuteqarnerunissamut aallerinarnerusumik inissisimasalersarlutik,” taamatut oqarpoq Nunatta, Inuit peqqissusiannik ilisimatusarnermi doktorinngortoq Birgit Niclasen
”Taamaattumik immikkut pingaaruteqarpoq Nunatsinni meeqqat peqqissusiannut najoqqutassiissutaasinnaasunik aaqqissuussamik ataqatigiissumillu ineriartortitsinissarput tamannalu soraarummeerutitut illersukkanni uanga tunngavilersuutigaara,” Birgit Niclasen oqarpoq.
Birgit Niclasen 1983-imi Københavns Universitet´imi nakorsatut soraarummeerpoq, Nunatsinnullu nuulluni 1988-imi. Ukioq 1990-imiilli Nuummi Nakorsiartarfimmi nakorsatut distriktslægetut sulivoq.
