Inuit peqqissusaannik misissuineq qanimut malinnaaffigaat

Amerikamiut timmisartorsuata B-52-ip 1968-imi nakkarnerata kingunerisaanik inuit peqqissusaannik misissuineq nutaaq, Folketingip Kalaallit Nunaat pillugu ataatsimiititaliaata peqataaffigiartorlugu avannaanut angalaqqammerpoq.

Ataatsimiititaliap siulittaasua, angalanermili peqataanngitsoq, Lars-Emil Johansen, Siumut, ima oqarpoq:

- Avanersuarminngaanniik aallartippoq, Upernavik, Uummannaq, Ilulissat aamma Aasiaat angalaffigineqarput. Ataatsimiititaliap angalaneranut minnerunngitsumik aallaaviuvoq suliniutigigatsigu 1968-imi timmisartorsuup nakkarnerata kingornatigut mingutsitsinermik misissuisarnerni inuit peqqissusaannut tamanna qanoq kinguneqarsimanersoq iluamik misissorneqarsimanngimmat annertunerusumik. Ilungersuutigisimavarput peqqissutsimik misissuineq iluamik aallartinneqassasoq. Taassumalu aallartinnera iluatsillugu ataatsimiititaliap Qaanaamut angalanissaa pingaartissimavarput. Angalanerup kingornatigut qanoq pisoqassanersoq ataatsimiittitaliami eqqartorneqasssaaq, Lars-Emil Johansen oqarpoq.

Taama oqarpoq Folketingip Kalaallit Nunaat pillugu ataatsimiititaliaani siulittaasoq, Lars-Emil Johansen, Siumut.