Assi: KNR

Canada Inuit nutaaliullaqqissusiat nangeqattaartuliami nutaami sammineqalersoq

Issittumi inuit qanoq inuuniartarnerat, inuuniarlutik qanoq isumassarsiortarnerat nutaaliorsinnaasarnerallu pillugu tv-kkut nangeqattaartuliaq nutaaq Canadami nunap inoqqaavisa tv-kkut kanaalianni APTN-imi aallakaatinneqartalerpat isiginnaanneqarsinnaanngussapput.

Tv-kkut nangeqattaartuliaq nutaaq Uakallanga! Uakallanga!, tassa assaa kakkak!, aatsaat sapaatip akunnerata tulliani takuteqqaarneqartussaagaluartoq tusaamasanngoreerpoq.

Nangeqattaartuliami inuit inooriaatsiminnik atortutigut peqarpallaanngikkaluarlutik issittumi pinngortitamilu peqqarniitsumi qanoq inuuniallaqqitsiginerat isiginnaagassiarineqarpoq.

Tassani inuit isumassarsiullaqqissusaat suunngitsuusorisanik atorluaasinnaanerat immikkut takutinniarneqarpoq. Inuillu ukiorpassuarni ineriartorsimanerat pineqartoq, nangeqattaartuliami aallakaatitsinermi ingerlatsisoq, Annabella Piugattuk oqarpoq.

Allat igiinnagassatut isigisaat, Inuit atisaliassatut, sakkussatut allarpassuarnullu atugassatut iluatigisarpaat.

Inuit isumassarseriallaqqissimanerat aallaavigalugu qanoq qilaasiortoqartarnersoq, piniusiortoqartarnersoq, pinngualiortoqartarnersoq, ululiortoqartarnersoq amaasiortoqartarnersorlu Annabella Piugattuk takutikkusuppaa.

Nangeqattaartuliami inuit qanoq ineriartorsimanersut qanorlu inooriaseqarnersut ersersinniarneqarpoq.

Nangeqattaartuliaq 13-inik immikkoortortaqarpoq. Inuktitut oqaasertalik tuluttullu allannertalik ataasinngornermi aallakaateqqaarneqassaaq. Nangeqattaartuliaq APTN-ip nittartagaani aamma isiginnaarneqarsinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat