Inuit nunaminni aalajangiisoqassatillugu oqaloqatigeeqqartariaqarput

Nunavumi nunatsinnilu naalakkersuisut ullumi suleqatigiissutissamik isumaqatigiissuteqarnerat Nunavumi naalakkersuisut nunatta puisit amiinik Canadameersunik pisiortoqqusiunnaarnerannit aallaaveqartoq, nunat taakku marluk annertunerusumik suleqatigiinnerulernissamik isumaqatigiissummik kinguneqarpoq:

Nunatsinni Naalakkersuisut Canadamiit puisit amiinik piseqqusiunnaarnerat januaarip arfernanni nalunaarutigineqartoq Nunavumi naalakkersuisunit iluarineqanngeqaaq, tassami puisit amiinik piseqqusiunnaarneq inuit inooriaasiannut ajoqutaasinnaammat. Puisit amiisa niuerutigineqarneranni akit appartarput, taamalillunilu piniartup aningaasanik annaasaqaatigisarpaa, Nunavumi ministeriuneq Paul Okalik ullumi Nunavumi avatangiisinut naalakkersuisoq Olayuk Akesuk peqatatigalugu nunatsinni Naalakkersuisunik ataatsimeeqateqartoq oqarpoq.

Ataatsimiinneq Nunatta Canadamiit amernik piseqqusiunnaarneranik kinguneqanngikkaluartoq, nunat taakku marluk suleqatigiinnerulernissaannik isumaqatigiittoqarpoq tamanit naammagisimaarneqartumik.

Nunatsinniit Hans Enokseni erseqqissaavoq puisit amiinik Canadamit piseqqusiunnaarallarneq New Founlandimi pisaasimasunut kisimi atuuttoq, Nunavumiilli natsiit amiinik pisiortorsinnaalernissaq aqqutissiunneqassasoq.

Aamma Nunavumi Avatangiisinut naalakkersuisoq Olayuk Akesuk oqarpoq ataatsimiinnermi isumaqatigiissutigineqartut naammagisimaaritik:

- Aap, inooriaasitsinnut tunngasutigut suleqatigiinnissarput isumaqatigiissutigaarput.

- Erseqqissaatigaara inuit inooriaasiannut sunniuteqarsinnaasunik aalajangiisoqassatillugu oqaloqatigiittartariaqartugut aalajangiisopqartinnagu.

-Isumaqarpunga Kalaallit Nunaanni politikerit puisit amiinik piseqqusiunnaarnissamik aalajangiitinnatik oqaloqatigisimasariaqaraluaraatigut, tassami inerteqqut sunaluunniit inuit inooriaasiannut ajoqusiisinnaasarmat, Olayuk Akesuk oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat