Inuit Nunaanni silaannaap allanngoriartornera assigiimmik pivoq

Silaannaap allanngoriartornerata sunniutai Inuit nunaanni sumiikkaluartuniluunniit assigiimmik atuuttoq, ICC-p ataatsimeersuarnerani eqqartorneqarpoq.

Allanngornerup issittumut kinguneri pillugit nunanut tamalaanut paasissutissanik siammarterineq imaaginnavippoq, sulinermili alloriarneq tulleq sunaassava? Taama ICC ataatsimeersuartunut apeqquteqarpoq. Apeqqut taanna pingaarutilik pillugu ullaap tungaani saqqummiussisoqarpoq oqillittoqarlunilu, malunnarporli oqallinnerup sivisussusia peqataasunit arlaqartunit sivikigineqartoq.

Silaannaap allanngornera pillugu oqallinneq ulloqeqqarnissap tungaanut sammineqarpoq, oqillinnerup sivisussusia pillugu

Jens Danielsen Qaanaami piniartoq ima naliliivoq:

- Uanga naammagisimaartutut oqaatigisinnaanngilara, piffissakilliorluta ingerlagatta, kinguaattooqqasumik. Amerlanerit oqaaseqarniarlutik nappaasaraluaratta iluatsitsinngilagut, sisamaannaat tigugamikkit - uagut tigunngitsoorluta - ajoraluartumik. Amerlanerilli naammagiinnarpaat paasissutissat allakkatigut ingerlajumaarmata.

Kisianni sivisunerusariaqaraluarpoq oqallinneq, taama pingaartigisoq ullumikkut silaannaap allanngoriartorneranut tunngasumik ilisimasat saqqummiunneqarnerat. Soorunami assigiipajaartorsuanngorput, taamaattumik paasisinnaavarput, tamatta silaannaap allanngorneranik nalaanneqarsimalluta. Issittormiut immitsinnut taama ungasitsisigaluarta tamatta. Jens Danielsen oqarpoq.

Chukotkamiut, Alaskamiut, Canadamiut kalaallillu misigisaat pillugit aamma pissarsiaqarluarnerarpoq. Jens Danielsenillu maluginiarsimavaa kalaallit eqqugaanerpaasimanerat.

-Assorsuaq immitsinnut tunioraateqaagut. Silaannaap allanngorneranut tunngatillugu uagut nunatsinni qimmeqarfimmiuusugut annertunerusumik eqqorneqarpugut.

Ukualu pukkitsuni nunallit soorlu manna Alaska ataatsimiiffipput eqqorneqangaatsiarpoq. Allaat nunaqarfiusimasoq immap iluaniilersimavoq. Oqaatigineqarpoq 300 meeterit missaannik immap nuna mangiarsimagaa.

Jens Danielsen Qaanaami piniartoq aamma oqarpoq,

Avanersuup sikua saaliartortoq. Avatinnguaminni siku 2 meteriusaraluartoq maanna meteriluunniit ataaseq inortaleraa.

Taamaattumik Avanersuarmi taama sikkorluttalernera pissutigalugu imaanerusalerneranut piniartut naleqqussartariaqalernissaat naatsorsuutigaa. Oqarpoq allanngornermut naleqqussarnissaq piniariaasitoqqap oqaluttuaannanngorneranik aamma kinguneqartariaqarumaartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat