Inuit-Nu naammassivoq

Roskildip Kommuneata Kalaallit Nunaat pillugu aprilimi aaqqissuussinera naammassivoq. Aaqqissuussaq iluatsilluartoq siunissamilu assigumik aaqqissuusseqqinnissaq eqqarsaatigineqartoq, aaqqisuisunit oqaatigineqarpoq.
Allattoq Arne Mølgaard
maajip 08-at 2011 14:42

Inuppassuit takuniaapput soqutiginninnerlu annertuvoq, taama oqarpoq Marie Berthelsen, Roskildip Kommuneani kultureqarnermut siunnersorti.

- Aaqqissuussinerup naammassinera naammagisimaartorujussuusarput. Inuit 4500-it missaanniittut aaqqissuussanut 60-inut takuniaapput. Taakkua saniatigut saqqummersitsinernut qassit ornigussimanersut ilisimanngikkallarparput. 

Marie Berthelsenip nuannaarutigaa Roskildip Kommuniata Kalaallit Nunaat ajunngitsumik takutissinnaasimammagu.  

-  Inunnit takuniaasimasunit amerlasoorpassuarnit nuannersumik misigisaqarsimasunit saaffigineqartarpugut. Inuit nuannaarutigaat Kalaallit Nunaat nutaanngitsoq aamma nujtaajunerusoq takutissinnaasimagatsigu. Uangali nuannaartiginerpaavara Kalaallit Nunaata nutaarsiassaniit takutinneqartaranit allaanerusumik takutitsisinnaasimagatta.    

Roskildip Kommunia siunissami Kalaallit Nunaat pillugu aaqqissuusseqqikkusuppoq.  

-  Kalaallit Nunaat pillugu assigiitsunik suli aaqqissuusserusuppugut aamma illoqarfittut ikinnguterput Nanortalik suleqatigiuassuarput. Taamatut aaqqissuussamut assigusumik síunissami suliaqarnissarput orniginartipparput, Marie Berthelsen oqarpoq.  

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq