Ilulissani ikuallaavimmi timip ilaanut nassaartoqarneranut atatillugu inuit marluk toqutsisimasutut eqqartuussaalersut.Assi: Kathrine Kruse/KNR

Inuit marluk toqutsisimasutut pasineqartut

Ilulissani inuit marluk ullumi eqqartuussivimmut sassartinneqassasut Kalaallit Nunaanni politiit ilisimatitsissutigaat. Taakku toqutsinermut attuumassuteqartutut pasineqarput.

Ilulissani inuup timaata ilaani nassaartoqarneranut atatillugu inuit marluk eqqartuussivimmut sassartinneqassapput.

Ilulissani ikuallaavimmi inuup timaata ilaanik arfininngormat nassaartoqareernerata kingorna toqutsisoqarsimaneranik suliaq misissuiffigalugu aallartinneqarpoq.

Maannalu inuit marluk ullumi nalunaaqutaq pingasunut matoqqasumik eqqartuussivimmi sassartinneqassaput.

Inuit pingasut ippassaq tigusarineqaraluarput. Pingajuallu toqutsinermut attuumassuteqanngitsutut nalilerneqarmat iperagaavoq.

Tigusarinniffimmili misissueqqissaarneq suli annertuumik ingerlanneqassaaq, taamatullu tusarniaanerillu.

Suliamut tunngatillugu politiit suli misissuimmata oqaaseqarsinnaanngikkallarput.

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat