Politiit ullormut nalunaarutat: Inuit marluk savimmik kapineqartut

Nuummi imerniartarfimmi inuk unnuaq ataatsip missaani kapineqarpoq, Kalaallit Nunaata Politiivini sillimasut pisortaat oqaluttuarpoq.

- Paggittoqarpoq savilisartoqarluni, Aputsiaq Hansen oqarpoq.

Inuit pagginnermi peqataasut imminnut ilisimanissaat, akunnerminnilu aaqqiagiinngissuteqarsimanissaat politiinit ilimagineqarpoq, taamaammallu Nuummi saassutsinnissamut ernumasoqartariaqanngitsoq, sillimasut pisortaat oqaluttuarpoq.

- Pinerluttunik suli tigusaqanngilagut, kisianni inunnik pasisaqarpugut, Aputsiaq Hansen oqarpoq.

Politiit inunnik pisumik takunnissimasunik sulilu oqaloqatigisimanngisaminnik ujartuipput. Paasissutissaateqaruit Politiinut ikiuutaasinnaasunik sukkulluunniit pigaartut oqarasuaataannut sianersinnaavutit uunga 70 14 48.

Pisup aappaanittaaq inuk savimmik kapineqarpoq. Tamanna januaarip aappaanni pivoq, inuk taanna pingasoriarluni savimmik kapineqarpoq,  Dronning Ingridip Napparsimmavissuani maannakkut uninngavoq, sillimasut pisortaat oqaluttuarpoq.

Politiit suliami misissuimmata suliaq pillugu allamik oqaaseqarsinnaanngilaq.