Inuit kukkunerat Nukissiorfinni ikuallannermut aallarniutaavoq
Ilulissani innaallagissiorfitoqqap qaliata iluarsaanneqarnerani ikuallanneq aallartippoq.
Allattoq Noah Mølgaard, Oline I. Olsen
- Sulisut suliartik qimakkaallu qalissiaq ikuallalersimannguatsiarpoq, Qaasuitsumi politiit pisortaat Poul Petersen KNR-mut oqarpoq.
Ikuallanneq ullup qeqqa sioqqutilaarlugu aallartippoq nalunaaqutarlu pingasunngulernerani suli ikuallappoq. Nalunaaquttap akunneri arlallit qatserisartut qatseripput ikuallannerli unikkaallatsinnaveeqqallugu.
Ikuallaffiusup eqqaani arlalinnik inissiaqarfeqarpoq ikuallattorlu assut pujuliorpoq. Inuit arlaannik inuunilulissappata napparsimmavimmut saaffiginnequllugit politiit kajumissaarpaat.