Qeqertaalummi Tallorutiup Imanga-nilu nunap iluanik misissuinissat upernaaq akuersissutigineqarput, akuersinermi piumasaqaataavoq tamaani Inuit tusarniarneqaqqaassasut misissuinerit piniarfiup nalaani pinnginniassammata.
Inuilli isumaqarput paasiniaaneq naammattoq. Nunap iluanik misissuinissaq unitsinniarlugu, Qitiqtani Inuit Kattuffiat maanna eqqartuussiviit aqqutigalugit misissuinissat unitsinnialerpaat.
Upernaarli kattuffik ilaasortaminik ataatsimiititsisalermat, ilaasortat piniartut naammagittaalliortarput misissuinerup piniakkat qimaatissagaat, tassami misissuiffissami inuppassuaqalersussaammat aammalu nipiliorneq akornutaassammat.
Ujarassiuut Canadamiit aamma Tysklandimiit Qeqertaalummut misissuinissamut piareersariartorlutik maanna aallareersut, Nunatsiaq News allappoq.
Qikiqtani Inuit Kattuffiata maanna eqqartuussiviit aqqutigalugit misissuinissat unitsinniarlugit isumaqatigiissimapput. Naatsorsuutigineqarpoq eqqartuussinermi aalajangiinissaq pissasoq uani sapaatip akunnerani.