Inuit Canada eqqartuussivimmut suliassanngortikkaat
Nunavummi naggueqatigiit inuit ilisimaneqartut tallimat anniartitsinermut nikassaarpasissumillu nunat tamalaat akornanni misiligaanermi, The International Biological Programimi suleqatigiissutigineqartumi misiligarneqarsimanerminnut Canadami naalakkersuisunit taarsigassanngortitsiniarlutit suliassanngortitsipput.
Amermik misileraanerit
Naggueqatigiinnit inunnit filmilianik ilitsersuisartutut nunarsuarmi ilisimaneqarluartoq, Zacharias Kunuk misiligaatigineqarsimasut ilagaat.
Paul Quassalu Nunavummi naalakkersuisunut siulittaasunngorsimasoq meeqqat misiligaaffigineqarsimasut ilagaat.
Canadap universitetinit pingasunit ilisimatuut Nunavummi naggueqatigiinnut inunnut ilisimatuutut misileraanertut isigisaminnik Igloolimmi 1967-ip 1973-illu akornanni misileraapput.
Ilisimatuut naggueqatigiit amiinut tunngasumik assigiinngitsunik misileraapput.
Ilisimatuut talermut putuaqqamik qillereriarlutik amiminermik tigusisarput, tigusartillu tigusiffiusup ilaqutaanut naggueqatigiimmulluunniit allamut ikkullugu ameq allami mamissinnaanersoq paasiniarsimavaat.
Naggueqatigiit Inuit akuersissuteqanngillat; naaggaarnissaminnullu periarfissinneqarnatik. Naggueqatigiit inuit meerartaat amermik tigusiffiugaangamik 5 dollarsimik akilerneqartartut Zacharias Kunuup Globe and Mailimut oqaatigaa.
- Malugisaarutsinniarluta kapineqartarpugut; tamatuma kingorna amerput pilattarpaat qiortarlugulu, amerlu inummut allamut ikkunneqartarpoq, Zacharias Kunuk oqarpoq.
Eqqartuussivikkut suliaq
Eqqartuussissuserisup Steven Cooperip suliami uani naggueqatigiit inuit eqqartuussissuserisaata naggueqatigiit inuit allat 30-t Igloolimmi misileraaffiusimasut ilisimallugit oqaatigaa. Tassunga assingusumik allamik nunaqarfimmi Hall Beachimi aamma pisoqarnikuuvoq.
Naggueqatigiit inuit taakku misileraataasimasut ukiorpassuarni eqqartortarpaat, aatsaalli maanna eqqartuussivimmut anngunneqarlutik.