Inuit Ataqatigiit sinnerlugit inatsisartunut qinikkat katersuutissapput

IA sinnerlugu inatsisartunut qinigaasut sapaatip akunnerata naanerani Nuummut tikissapput. Inuit Ataqatigiit sinnerlugu inatsisartunut qinigaasut, siulersuisuunerit peqatigalugit naalakkersuisunngortussat ukiuni tulliuttuni sisamani suleriaasissaat aalajangiiffigissavaat.
Allattoq Jaaku Lyberth
juunip 04-at 2009 10:18

Naalakkersuisut suleriaasissaatut siunnersuutip allanneqarnera suli naammassinneqanngilaq, ataasiakkaat kisimik amigaatigineqarlutik IA-p allaffeqarfianit tamanna nalunaarutigineqarpoq.

Nalakkersuisunngortitsinissami suleqatigineqarumaartussat isumaqatigiinniarfigineqarneri ualimut nanginneqassapput.

Kattusseqatigiit Partiiat sinnerlugu inatsisartuni ilaasortaq, Partiip siulittaasua Anthon Frederiksen Nuummut ullumi tikissaaq, ataatsimeeqatigineqqassallunilu.

Inuit Ataqatigiit Demokraatinik ataatsimeeqateqarnertik tamatuma kingorna nangissavaat, Atassutikkullu kingorna ataatsimeeqatigineqassallutik.

Demokraatit Atassutillu siulittaasuisa Inuit Ataqatigiinnik ippassaq ataatsimeeqateqarnerat isumalluarnartutut isigineqarpoq, naalakkersuisunngortitsinissamulli tipisiuinerulluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq