- Peqqissaasut Kattuffiannik isumaqatigiinniarnertik Naalakkersuisut pimoorullugu sulissutigisariaqarpaat, Inuit Ataqatigiit tusagassiuutinut allapput, Naalakkersuisut tassani kajumissaarneqarput isumaqatigiinniarnitik piffissami qaninnerpaami naammassissagaat.
- Peqqissaasunik piffissami sivisuumi amigaateqarnerujussuaq toqqissisimananngilaq, peqqissaasunillu taartaagallartussanik tikisitsiuarneq ukiut tamaasa aningaasarpassuarnik naleqartarpoq. Aningaasat tamakku peqqissaasut Nunatsinni najugaqavissut atugaasa pitsanngorsarneqarnerannut atorneqarsinnaapput, Olga Poulsen Berthelsen, Inuit Ataqatigiinneersoq, oqarpoq.