Inuit Ataqatigiit Kangia-kitaani qinerneqarnerpaapput

Kommunimut ippassaq qinersineq partiinut naalakkersuisoqatigiinnut Siumumut Atassummullu kinguariarfiungaatsiarpoq.

Taamaattorli Siumut kommuninngortussani sisamaasuni pingasuni partiini suli annerpaavoq, kisianni Kangia-Kitaata kommunissaani partii annerpaamut tullinngorpoq, tassanimi Inuit Ataqatigiit annerpaanngormata. Tassa siornatigut naalakkersuisunut ilaasortaasimasoq Asii Chemnitz Narup qinigaarujussuarnermi kingorna borgmesterissatut piukkunnaateqarlualermat. Asii Chemnitz Narup qinersinermi 994-inik qinerneqarluni qinerneqarnerpaavoq.

Kangia-Kitaata kommunissaani Siumut 9 procenti sinnerlugu kinguariaateqarpoq Avannaatalu kommunissaani 6 procentingajammik kinguariarluni. Taamaallaat Kujataata kommunissaaani Siumut siuariarpoq, Qeqqatalu kommunissaani allanguuteqarpallaarani. Atassut kinguariaateqarneruvoq. Tassami partii kommuninngortussani sisamaasuni tamani kinguariaateqarpoq, Avannaata kommunissaani kinguariaateqarnerpaalluni.

Demokraatit qinersinermi iluatsitserujussuanngillat. Avannaata kommunissaa eqqaasanngikaani tamani kinguariaateqarami. Taamaattorli partiip siulittaasua Per Berthelsen Kangia-Kitaata kommunissaani 926-nik qinerneqarluni qinigaanerpaamut tullinngorpoq.

Qinersinermi Kattusseqatigiit Partiiata siulittaasua 803-nik qinerneqarluni qinigaanerpaanut pingajunngorpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat