Inuit ataqatigiit Demokraatillu isumaqatigiissusioriikatapput
Demokraatit kiisalu Inuit ataqatigiit aatsaat pernarlutik taamatut suleqatigiittussanngorput. Demokraatit siulittaasuat Per Berthelsen aammalu Inuiat Ataqatigiit ataqatigiissaarisuat Ove Karl Berthelsen ualimut studiamut aggersarpavut suleqatigiittussanngornerat sumik aallaaveqarnersoq aperalugit.
- ukiuni kingullerni ukiut arfineq-marluk missaanni pingaartumik ataatsimiititaliani suliassanika ataasiakkaani suleqatigiittarsimanigut isummerfigisimavagut uagutsinnut ineriartorfiusut aammalu demokraatinut taamatuttaaq innuttaasunut ajunngitsunik tuttartunik suliaqartarnerput aallaavigalugu massakkut piffissanngorsorisimavarput aaqqissuussaasumik suleqatigiinnissamut alloriartariaqarluta, Ove Karl Berthelsen oqarpoq.
- Ukiorpaalussuanngortuni immitsinnut sungiukkiartorsimavugut minnerunngitsumik Kuupik Kleistilu Namminersorneq pillugu ataatsimiititaliarsuarmi suleqatigiittarnitsigut immitsinnut ilikkarsiartorsimagatta, Per Berthelsen unnersiorpoq.
Taakku marluutillugit aperaagut maajip aallaqqaataaniutinnagu inissititerneqartussaammata piareersimanersut.
- Isumaqarpugut piareersimalluta tassami piareersarnitsinni qulequttat tunngaviusussat isumaqatigiissutigivagut, Ove Karl Berthelsen oqarpoq.
Per Berthelsen oqarpoq maajip 15-iani Danmarkimut Kuuupik Kleistilu ataatsimiigiaqatigiittussaallutik.
Erseqqissaavorlu marluullutik aallartinnatik isumaqatigiissusiamik piareersitsinissartik pissasoq.
Taakku marluullutik neriorsuipput kangia-kitaani innuttaasut iluamik sullinneqarluarnissaat pillugu qanittukkut sulillutik aallartisassallutik.