- Siullertut Kukkunersiuinermut ataatsimiititaliap suliami matumani ataqatigiittoqannginnerani erseqqissaatigisagut erseqqissarmagit ilorrisimaarutigaarput. Inuit Ataqatigiit siulittaasuat, Múte Borup Egede oqarpoq.Assi: KNR / Malik Brøns

Inuit Ataqatigiit ataatsimiititaliap nassuiaataa pillugu: Kinguneqartitsisoqassanersoq maanna takussavarput

Illuatungiliuttut partiiani Inuit Ataqatigiinni siulittaasup, Múte Borup Egedep Kukkunersiuinermut ataatsimiititaliap nipisattassiissutinut tunngatillugu nassuiaataa ilorrisimaarutigaa.

- Kukkunersiuinermut ataatsimiititaliap suliamik matumanik misissuereernerani politikkikkut kinguneqartitsinissaq tullinnguuppoq. Suliamut uunga atatillugu qanoq kinguneqartitsisoqassanersoq Inatsisartut maanna aalajangertussanngorpaat.

Inuit Ataqatigiit siulittaasuat, Múte Borup Egede oqarpoq.

Nipisattassiissutinut suliaq pillugu naatsumik:

 

Nipisattassiissut siorna aalisarneqanngitsut 204 tonsit 2020-mut nuutsinnissaat Naalakkersuisut maajip ulluisa aqqaneq-aappaanni aalajangerpaat.


Kalaallit Nunaanni Aalisarnermut Nakkutilliisoqarfiup paasissutisiinera naapertorlugu ammaasseqqinneq politikkikkut aalajangerneruvoq.


Imartani Paamiut avannaaniit Kangerlussuaq tikillugu nipisanniarusuttunut nipisanniartoqarsinnaajunnaartoq, sapaatit akunneranni kingullermi nalunaarutigineqaraluarpoq.

 

IA: Var Kim attuumassuteqarpallaarpa?

Inuit Ataqatigiit suliaq pillugu avammut nalunaaruteqaqqaarput.


Kim Kielsen umiatsiaminik aalisartumut atukkiussereerluni Naalakkersuisuni nipisattassiissutinik qaffaaqataagami imminut iluaqutissinnersoq pillugu apeqquteqarniarlutik nalunaaruteqaramik taamaattoqarpoq.
 

Kim Kielsen Naalakkersuisut ataatsimiinnerannut peqataavoq, attuumassuseqarsinnaallunilu paasissutissiissutiginagu.

 

Naalakkersuisut eqqartuussissuserisumut suliakkiisut

Naalakkersuisullu siulittaasuata suliamut atatillugu isornartorsiorneqartorujussuanngorami suliamik naliliinissaq eqqartuussissuserisoqatigiinnut Poul Schmithikkunnut suliakkiutigaa. Kim Kielsenilu attuumassuteqarpallaarsimanngitsoq eqqartuussissuserisoqatigiit nalilerpaat.

 

Kim Kielsen nipisattassiissutinik qaffaaqataagami tamatumalu saniatigut umiatsiaminik aalisartumut attartortitsigami attuumassuteqarpallaanngilaq. Eqqartuussissuserisut suliffeqarfiat, Poul Schmidt taama inerniliuuteqarpoq.

 

Kukkunersiuinermut ataatsimiititaliaq sakkortuumik uparuaasoq

Inatsisartut Kukkunersiuinermut ataatsimiititaliaa tamatuma kingorna suliamut atatillugu nalunaajaanerminik tunniussaqarpoq.

 

Ataatsimiititaliallu matumani "sakkortuumik uparuaaneq" atorpaa pissutsillu "isornarluinnartutut" erseqqissaatigalugit.

 

- Ataatsimiititaliap sakkortuumik uparuaavoq Inatsisartullu Naalakkersuisut siulittaasuata suliami matumani attuumassuteqarpallaarnissamut apeqqut eqqumaffigisimanngikkaa malugeqqullugu.

 

Oqaaseqaatit taakku ataatsimiitaliap naliliinermi oqaaseqaataata allattorsimaffiani qaffasinnerpaamik sakkortunerpaamillu inissisimapput.

AAMMA ATUARUK Erik Jensen nipisattassiissutit pillugit: Naalakkersuisut ilungersunarput

Kukkunersiuinermut ataatsimiititaliap Naalakkersuisut siulittaasuata, Kim Kielsenip nipisattassiissutinik qaffaanerup saniatigut umiatsiaminik aalisartumut attartortitsinermini attuumassuteqarpallaarnersoq pillugu suliaq qaammatini pingasuni misissuiffigaa.

Kukkunersiuinermut ataatsimiiititaliap siulittaasuata, Erik Jensenip (Siumut) ataatsimiititaliap suliamik misissuineranut atatillugu Naalakkersuisut paasissutissanik tigumminniinnarnerat pissutigalugu isornartorsiorpai. Taassuma ataatsimiiititaliap suliaqarnerani pissutsit Inatsisartunit misissorneqarnissaat kaammattuutigaa.

IA-p ataatsimiititaliap nassuiaataa ilorrisimaarutigigaa

Múte Borup Egedelli ataatsimiititaliap nassuiaateqarnera ilorrisimaarutigaa:

- Siullertut Kukkunersiuinermut ataatsimiititaliap suliami matumani ataqatigiittoqannginnerani erseqqissaatigisagut erseqqissarmagit ilorrisimaarutigaarput.

AAMMA ATUARUK Revisionsudvalget rejser skarp påtale af Kielsen i stenbidersag

Taassuma Naalakkersuisut nassuiaateqarneranni ataqatigiinngitsut marluusorai:

- Siullertut Naalakkersuisut siulittaasuat suliami matumani aalajangiinermi peqataasimassanngikkaluartoq.

- Aappaaalu Kukkunersiuinermut ataatsimiitititaliaq Inatsisartut Kukkunersiuinermut ataatsimiititaliaata suliamik matumanik nalunaajaaniarnermini pisariaqartitaanik Naalakkersuisut paasissutissanik tigumminniinnarnerarlugit erseqqissaateqarpoq.

Kimip inatsisinik unioqqutitsisoqannginneraraa

Naalakkersuisut siulittaasuata, Kim Kielsenip (Siumut) attuumassuteqarpallaarnermut malittarisassat unioqqutissimannginnerarlugit KNR-imut siusinnerusukkut oqaatigaa. Malittarisassat malillugit ingerlatsisoqartoq oqaatigaa.

- Habilitetimut tunngatillugu apeqqut suliamut matumani tullianngilaq. Aalisarnermut peqataaguma attuumassuteqarpallaarnermut tunngassaaq. Aalisartoq uani attartorpoq, Kim Kielsen juunimi oqarpoq.

AAMMA ATUARUK Kim Kielsenip pasilliutigineqartut itigartitsissutigai: Akuliussinnaanngitsuunngilanga

KNR-ip Naalakkersuisut siulittaasuat, Kim Kielsen (Siumut) apersorniaraluarpaa. Taannali Kukkunersiuinermut ataatsimiititaliap nassuiaataanut piffissami matumani oqaasissaqanngitsoq, Naalakkersuisut siulittaasuata naalakkersuisoqarfia mailikkut allappoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat