Inuit aqqi pillugit inatsit kinguartinneqarpoq
Inuit aqqi pillugit inatsisip nutaap Folketingimi ullumi oqaluuserineqarnissaa kinguartinneqarallarpoq.
Inuit aqqi pillugit inatsisip nutarterneqarnissaa Dansk Folkepartimit akerlerineqarmat oqaluuserineqarnissaa kinguartinneqartoq ilisimatitsissutigineqarpoq.
Folketingimili ilaasortat amerlanersaasa Ilaqutariissutsimut ministerip, Lars Barfoed-ip, siunnersuutaa tapersersorpaat.
Inuit aqqi pillugit inatsisip oqaluuserineqarnissaa Folketingip aasaanerani sulinngiffeqarnissaa aallartitsinnagu sapaatip akunnerata uuma naannginnerani pissangatinneqarpoq.
Kinguliaqutip inunnit qassinit pigineqarnera naapertorlugu aqqip kimilluunniit atorneqarsinnaanissaa Ilaqutariissutsimut ministerip ammaakkaluaraa, ilaqutariissutsimut Dansk Folkepartimi oqaaseqartartup, Martin Henriksenip, naammaginartutut suli isiginngilaa.
Inuit aqqi pillugit inatsissaq Eqqartuussinermut Folketingip ataatsimiititaliaata aqagu siullermeerlugu nutaamik oqaluuserilerpagu naalakkersuisut VK-minngaanneersut siunnersuutip oqaluuserineqarnissaata ukiarumut kinguartinneqarnissaa Martin Henriksenip neriuutigigaluarpaa.
