Nakorsat killeqarfiit akimorlugit suliniaqatigiifiata suliniaqatigiiffiullu SOS Méditerranéep umiarsuaq "Ocean Viking" atortarpaat.Assi: Daniel Leite Lacerda [CC BY-SA (https://creativecommons.org/licenses/by-sa/3.0)]

Inuit 485-it umiarsuarnik annanniutinik annaanneqartut

Norskit umiarsuaat annanniut "Ocean Viking" tyskillu umiarsuaat "Alan Kurdi" Italiamut tulannissaminnut akuerineqarput.

Inuit 407-it Libyap avataani annanniutiniittut Norgemiut umiarsuaannit "Ocean Viking"-imit ullut kingulliit marluk ingerlaneranni annaanneqarsimapput.

Tallimariarluni annaassiniartoqarneratigut inuit 407-t annaanneqartut, nakorsat killeqarfiit akimorlugit suliniaqatigiifiata Twitterikkut allaaseraa.

Amerlasuut qiulertut, merianngusut nukillaangaqisullu nalunaarutigineqarpoq.

Nakorsat killeqarfiit akimorlugit suliniaqatigiifiata suliniaqatigiiffiullu SOS Méditerranéep umiarsuaq "Ocean Viking" atortarpaat.

Tyskit annanniutaata "Alan Kurdi"-p, inuit 78-it, Libyap avataani akunnerit kingulliit 24-t ingerlaneranni aamma annaassimavai.

Qimaasut umiarsuarnut tikilluaqqusaanissaat, Tysklandip nunallu assigiinngitsut allat neriorsuutigereerpaat. Tysklandimi nutaarsiassaqartitsivik DPA taama allaaserisaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat