Volkswagenip biilit nunarsuarmi tamaniittut 11 millionit kusanaatsuliorfigisimallugit nassuerutiginikuuaa.Assi: Scanpix

Inuit 430.000-t Volkswagen eqqartuussivimmut suliassanngortikkaat

Volkswagenip biilinik dieselitortunik kusanaatsuliornera pillugu eqqartuussivimmi suliaq ataasinngornermi aallartippoq. Biiliutillik 430.000-t taarsiiffigineqarnissamik piumasaqarput.

Biiliutillit 430.000-t biililiorfissuup Volkswagenip “Dieselimik kusanaatsuliornera” pillugu eqqartuussivimmut suliassanngortitsipput. Eqqartuussineq ullumi aallartissasoq, dpa allaaserserisaqarpoq.

Suliassanngortitsisorpassuit Volkswagenip biiliini dieselitortuni kusanaatsuliornerit saqqummersinneqartut pillugit taarsiititsinissamik piumasaqarput.

Eqqartuussivimmut suliassanngortitsinermi Volkswagenip atortunik allanngortiterilluni biilit misilerarneqarneranni mingutsitsinikinnerusutut isikkoqalersinneqarsimanerat pissutigalugu biilimik pisisimasut peqqissutsimikkut innarlerneqarsimasut allassimavoq.

AAMMA ATUARUK EU-p unammilleqatigiinnermut kommissæriata biililiorfissuit misissuiffiginialerai

Volkswagenip eqqartuussissuserisuata oqaatigineqartut itigartitsissutigai, biilimillu pisisimasut annikitsumik innarlerneqarsimanerarlugit. Eqqartuussivimmut suliassanngortitsisut taperserneqassagunik tamarmik immikkut biilileriffimmut piumasaqaateqassapput.

Volkswagenip biilit nunarsuarmi tamaniittut 11 millionit kusanaatsuliorfigisimallugit nassuerutiginikuuaa.

Biilileriffiup atortunik allanngortiterinini pissutigalugit akiligassat, taarsiinerit inatsisilerinermillu aningaasartuutini maannamut 30 milliardit euronik tassa 224 milliardit koruuninik annaasaqaatigereerpaa.

AAMMA ATUARUK VW-nik tuniniaasoq: Aamma Nunatsinni peqarnissaa ilimanarsinnaavoq

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat