Inuit toqungasut 39-t, Londonip ungasinngisaani Esseximi lastbiilini nassaarineqarput, suliarlu quarsaarnartoq taanna pissutaalluni inunnik anngiortumik angallassisarneq oqallisaangaatsialerpoq.Assi: Ben Stansall/AFP/Ritzau Scanpix

Inuit 39-t lastbiilini toqungasut pillugit tigusarinneqqittoqartoq

Inuit toqungasut 39-t, Tuluit Nunaanni lastbiilit ilaanni oktobarip ulluisa 23-anni nassaarineqartut pillugit suliaq suli ingerlavoq, Vietnamimilu politiit inuit arfineq-pingasut maanna tigusarivaat.

Vietnamimi naalagaaffiup nutaarsiassaqartitsiviata VNA-p tamanna ataasinngornermi ilisimatitsissutigaa.

- Pinerluttuliorsimasutut pasisat pillugit paasissutissat tunniunneqarsimasut aallaavigalugit

inunnik anngiortumik Tuluit Nunaannut angallassisartut akiorniarneqarnissaat pillugu paasiniaanerit aallartissavagut, Vietnamimi politiit pisortaasa ilaat oqarpoq.

Inuit marluk allat Vietnamimi tallimanngormat tigusarineqarput.

Inuit toqungasut 39-t, Londonip ungasinngisaani Esseximi lastbiilini nassaarineqarput, suliarlu quarsaarnartoq taanna pissutaalluni inunnik anngiortumik angallassisarneq oqallisaangaatsialerpoq.

Ajunaarsimasut Kinamiuunerat aallaqqaammut oqaatigineqaraluarpoq.

Ajunaarsimasulli Vietnamimiutut innuttaassuseqartuusut politiit ilimagaat. Tusagassiutinut nalunaarummi tallimanngormat saqqummiunneqartumi tamanna oqaatigineqarpoq:

- Ilaqutaasut Vietnamimeersut Tuluit Nunaanneersullu toqqaannartumik maanna attaveqarfigaavut. Ajunaarsimasut ilaqutaasa ilaat kinaassusersisinnaalerunarpavut, politiit taama oqarput.

/ritzau/Reuters

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat