Toqungasut nassaarineqartut 39-t tamarmik Vietnamimi innuttaasuusut, Vietnamimi oqartussat paasissutissiissutigaat.Assi: Ben Stansall/AFP/Ritzau Scanpix

Inuit 39-t lastbiilimi toqungasut Vietnamimiuupput: Vietnamiliaanneqartussanngorput

Inuit toqungasut 39-t Tuluit Nunaanni lastbiilimi nassaarineqartut tamarmik Vietnamimiuusut Vietnamiliaanneqartussanngorput.

Inuit 39-t lastbiilimi toqungasut Londonip kangiani Esseximi oktobarip ulluisa 23-anni nassaarineqartut tamarmik ungasinngitsukkut Vietnamiliaanneqassapput.

Vietnamip Londonimi aallartitaqarfianit tallimanngormat taama nalunaaruteqarput.

Toqungasut nassaarineqartut tamarmik Vietnamimi innuttaasuusut, Vietnamimi oqartussat paasissutissiissutigaat.

AAMMA ATUARUK Inuit 39-t lastbiilini toqungasut pillugit tigusarinneqqittoqartoq

Vietnamip ministeriunerata Nguyen Xuan Phucip toqusimasut ilaqutaannut misiginneqataalluni nalunaarutigereerpaa. Tamannalu ilutigalugu Vietnamimi oqartussat inunnik anngiorluni eqqussuinermut akiuunnertik annertusarpaat.

Hanoimi tusagassiuutit naapertorlugit Vietnamimi ilaqutariit 25-t ilaquttaminnut maqaasineqartunut paasiniaallutik oqartussanut attaveqareerput.

AAMMA ATUARUK Toqungasut timaat 39-t Esseximi lastbiilimi containerimik usilimmi nassaarineqartut

Arnat arfineq-pingasut angutillu 31-t toqungasut Esseximi Graysimi qamutini kalittakkani containerimi oktobarip ulluisa 23-anni nassaarineqarput.

Toqungasut Vietnamimi nunap immikkoortuini assigiinngitsuni arfinilinneersuupput.

Irland Avannarlermiu 25-nik ukiulik suliami unnerluutigineqarpoq. Angutit marluk qatanngutigiit Irland Avannarlermeersut suliamut atatillugu ujaarineqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat