Tyrkiami naalakkersuisunik 2016-imi uppisitseriaraluartut 337-t Tyrkiami eqqartuussivimmit inuunermi sinnerani parnaarussassanngortinneqarput.

Inuit 475-it eqqartuussinermi unnerluutigineqarput - sakkutuut naalagaat, sakkutuullu timmisartuinik malersuutinik ingerlatsisartut taakkununnga ilaallutik.

Inuit 251-it naalakkersuisunik uppisitseriaraluarnermi toqutaapput, allallu 2000-nit ikinnerunngitsut aqqunartiterlutik.

AAMMA ATUARUK Tyrkiami ministeriuneq: Tyrkiami pisut nakkutigineqarput

Sakkutuut taamanikkut 2016-imi naalagaasa ilaat Hulusi Akar, Tyrkiami maanna illersornissamut ministeriusoq, sakkutuut naalagaasa ilaat peqatigalugit sakkutooqarfiit ilaanni sallunaveeqqutitut taamanikkut tigummineqarput. Ulloq unnuarlu parnaarussaaqqareerlutik naalakkersuisunik uppisitseriaraluarnerup kingorna ullaakkut aniguisinneqarlutik.

Muslimi oqaluussisartoq Fetullah Gülen, USA-mi maanna najugalik, Tyrkiami naalakkersuisunik uppisitseriaraluartutut Tyrkiap præsidentianit Recep Tayyib Erdoganimit pasineqarpoq. Gülen tapersersuisuilu peqqarniisaarniatut Tyrkiami oqartussanit nalilerneqarput.

Gülenilli pasilliinerit taakku ilumuunnginnnerarpai.