Inuit 100.000-init amerlanerusut coronavirusimik tunillatsissimasut

Tamanna amerikami Johns Hopkins Univeritymit, nappaatip siaruaanneranik nakkutiginneqqissaartumit naatsorsuinerit kingulliit takutippaat.

Naatsorsuinermi inuit 100.276-it nappaammik tunillatsissimasutut nalunaarsorsimapput. Inuit 3404-t nappaat toqqutigaat.

Inuilli 55.000-it tunillatsissimasut aaqqeqqissimapput.

Nappaatip siaruaannera Kinami illoqarfissuarmit, Wuhanimit aallaaveqarpoq. Nappaatip siaruaannera siorna decembarip naanerani aallartippoq.

AAMMA ATUARUK Danmarkimi pisortat aaqqissuussat angisuut taamaateqqugaat

Tunillatsissimasut amerlanerpaartaat aamma Kinamiipput. Tunillatsissimasunit 80.000-it sinneqartut Kinamiittutut uppernarsarneqarput, Kinamilu coronavirusimik toqquteqartut 3000-it missaanniillutik.

Coronavirusimik tunillatsissimanermi kissarneqarneq, qasuneq panertumillu quersorneq ersiutaanerupput. Tamanna nunat tamalaat akornanni peqqinnissaq pillugu suliniaqatigiiffiup (WHO) tamanna paasissutissiissutigaa.

Europami nunani Italiami – pingaartumik Italiap avannaani tuniluuttoqarnerpaavoq.

AAMMA ATUARUK Nuummi ilaqutariit nunami coronaviruseqarfiusumeereerlutik angerlarsimaannaqquneqarallartut

Italiami inuit 4000-it missaanniittut virusimik tunillatsissimasut uppernarsarneqarpoq. Inuillu 148-t tunillatsinnertik toqqutigalugu.

Danmarkimi 21-t coronavirusimik tunillatsissimasutut nalunaarsorsimapput, Savalimmiuni marluk. Danmarkimi tunillatsinnerup kingunerisaanik toqusoqanngilaq.