Inuit 100 Ilulissani angerlarsimaffeqanngitsutut nalunaarsimapput
Ilulissani inuit hundredit tikillugit amerlassussillit aalajangersimasumik najugaqarfeqanngitsutut nalunaarsorneqarsimapput, taamaattumillu inuit allattorsimaffiat malillugu adresseqaratik.
Tamanna illoqarfimmi aalisakkanik suliffissuarmi Royal Greenland-imi sulisussarsiornermi ajornartorsiutaasarpoq, aviisi Iluliarmioq taamatut allaaserisaqarpoq.
Innuttaasutut allatsissimasut hundrejuusut aalajangersimasumik najugaqarfeqanngitsutut allatsissimanertik pissutigalugu suliffissarsiortutut nalunaarsorneqarsinnaanngillat, suliffissarsiuunneqarsinnaanatillu.
Tamanna ajornartorsiutaalissaaq, Royal Greenland-ip aalisakkanik suliffissua qaleralinnik tunisassiulernissaanut sulisussarsiulerpat.
Taamaattumik Ilulissani kommunalbestyrelsep, suliffissaqarnermut inuussutissarsiornermullu ataatsimiitaliaq taamatullu isumaginninnermut ataatsimiitiliaq piumaffigineqarsimapput, sukkanerpaamik aaqqiissutaasinnaasumik saqqummiusseqqullugit.
