Inuisami meeqqat inuusuttullu sammineqarput
Allattoq Najaaraq Egede
Meeqqat inuusuttullu kinguaassiutitigut atornerlunneqarsimasut qanoq ikiorsinnaavagut ? Meeqqat inuusuttullu sumiginnarneqartillugit akisussaasut sumiippat – piareersimappallu iliuuseqarnissaminnut ?
Nunatsinni Inuiaqatigiilerinermik Sammisallit suleqatigiiffianni, InuiaSa-mi, apeqqutit taakku Hotel Hans Egedemi ualimut akissutissarsisinnaassallugit neriuutigineqarput.
Inuup pissusiinik ilisimatuut, perorsaasut inatsisartullu aamma ilaqutariinnermut ataatsimiititaliaata siulittaasua Agathe Fontain oqallititseqataassapput.