Assi: Frederiksen Ernst Peter

Inuinnaat tigusarinninneranut ilaasoq: Utaqqisinnaannginnatta

Paamiuni angut aallaasersortoq inuinnarnit arfininngormat unnukkut tigusaavoq. Aqqaluk Malik Therkeldsen kammani peqatigalugit angut aallaasersortoq aallaasaanik arsaarpaat politiinullu tunniullugu.

Politiit suliaq ingerlakkaluaraat aallaarsersortoq inuinnarnit tigusarineqarpoq. Aqqaluk Malik Therkeldsen tigusarinnittut ilagaat.

- Aallaasersunnginnera sivitsormat sinilersimasoq ilimagivarput, politiillu aatsaat 10 timit qaangiuppata orninniarmassuk, uagut orniinnarparput, Aqqaluk Malik Therkeldsen oqarpoq.

Aqqaluk Malik Therkeldsen nammineerluni allaarsersortoqarneranik takusaqanngilaq, kammanili aallaasersortup sumiiffigisaanut ornippaa.

Igalaakkut ittuarsimapput, aallaasersortutullu pasisaq takunagu. Matu ammariarsimavaat, matuli allunaasamik qilersorsimavoq.

Angut nalaasaartarfimmi sinittoq

- Matu ammariaraluaratsigu sunaaffa qilersoqqasoq. Isumaqarluta aallaarsersorsimasup matu najummillugu paarigaa, taamaattumik tamatta tatamippugut, Aqqaluk Malik Therkeldsen oqarpoq.

Taakku marlunnik allanik ilagisaqarlutik aallaasersortumukaqqipput. Allunaasaq savimmik kipiniarsarisimavaat, savilli mikivallaarmat pilattuummik aalleriarlutik matu ammarsimavaat.

- Sofami sinippoq, aallaallu natermiippoq. Iseratta allaat tiguara annillugulu. Ilammali aallaarsersortoq tiguaat. Eqqissillutalu oqaluuteqqaarparput, eqqissisimaqaarlu, Aqqaluk Malik Therkeldsen oqarpoq.

Kinguneqartitsisoqassanersoq nalunartoq

Unnuk tigusarinniffiugaluartoq kammagiit sisamat politiit peqqussutaanik malinninngitsut, Nuummi politiit pigaartuini akisussaasoq Mads Lynge oqarpoq.

- Inuinnaat politiit suliaannut ajoraluartumik akulerupput, sumiiffik orneqqusaanagu paasitinneqareerlutik. Peqqussutigulli tusaanngilaat, suliarlu namminneerlutik tigullugu. Pisuni taama ulorianartigisuni, namminneerlutik uloriarnartorsiorsinnaasut naqissuserusuppara, Mads Lynge oqarpoq.

Angut aallaasersorsimasutut pasisaasoq politiit suliamik misissuineranni ulluni 25 tingummigallagassanngortinneqarpoq.

Taanna politiinut sioorasaarisimasutut arlaleriarlunilu aserorterisimasutut unnerluutigineqarpoq.

Paamiuni politiimut umersimasutut illoqarfimmilu quit arlallit tungaannut aallaariarsimasutut unnerluutigineqarpoq.

Inunnut sisamanut tigusarinnittunut kinguneqartitsisoqassanersoq suli nalunarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat