Inuinnaat qanimut naalakkersueqataanerat nukittorsarneqassaaq
- Ataatsimut isigissangaanni kommunit kattusuunneranniit ukiut pingasut maanna qaangiutereeraluartut inuinnaat qanimut naalakkersueqataanerat suli pitsanngoriarsimanngilaq.
Inuttaasummi oqartussaaqataanerminnut piumassusaat nukittorsartariaqaraluarpoq, taamaasiornissarlu kommunalbestyrelsit ataanni erseqqarissumik sinaakkuteqartariaqaraluarluni. Tamakkumi suli inissinneqarsimanngillat, KANUKOKA ukiortaami oqaaseqaasiaanni taamatut allassimavoq.
Inuinnaat qanimut naalakkersueqataanerat nukittorsarumallugu nunaqarfiit aqutsisuisa akisussaaffii KANUKOKAp siammartariaqarsorai.
Nunaqarfiit aqutsisuisa innuttaasunut qanittuunerat nunami tamarmi atorluarneqartariaqanngila? Soorlu nunaqarfinni aqutsisut assiginik illoqarfinni aqutsisortaartoqarnerisigut? Ukiortaami oqaaseqaammi taamatut apeqqutilliisoqarpoq.
Taamaasiortoqarsinnaappammi inuinnaat qanimut naalakkersueqataanerat assigiiaarnerusoq inuiaqatigiinnut tamanut atuutsinneqalersinnaaniassammat, KANUKOKA taama isumaqarpoq.
